Të shtëna me armë zjarri në Ferizaj, policia jep detaje

17:18 | 17 Shkurt 2025
E.H

Të shtëna me armë zjarri ka pasur sot rreth orës 15:11 në rrugën “Rexhep Bislimi” në Ferizaj.

Lajmin për Arbresh.info e ka konfirmuar Kanun Veseli, zëdhënës i policisë për rajonin e Ferizajt.

Veseli tha se dy persona janë shoqëruar për në stacionin policor ndërsa një tjetër person është transportuar në Qendrën Emergjente në

Ferizaj për shkak të lëndimeve të marra nga përleshja fizike.
”Ju njoftojmë se sot, më 17.02.2025, rreth orës 15:11, në rrugën “Rexhep Bislimi” në Ferizaj, kemi pranuar një informatë se ka të shtëna me armë zjarri. Njësitet policore kanë dalë në vendngjarje. Dy persona janë shoqëruar drejt stacionit policor, ndërsa një person është transportuar me autoambulancë në Qendrën Emergjente në Ferizaj ku dyshohet se lëndime trupore ka pësuar gjatë përleshjes fizike. Nga vendi i ngjarjes është sekuestruar një armë e zjarrit” është shprehur Veseli./Arbresh.info